Demalam Ku Bemimpi
Begulai Enggau Bala Temuai
Niki Ke Rumah Panjai
Berami Besai

Tekenyit Ku Meda Nuan
Tak Ngena Ngepan Iban
Duduk Ba Tawak Besai
Enggau Laki Bukai

Singin Ati Aku Ka Mai Nuan Pulai
Tang Nuan Majak Nyebut Selamat  Datai
Nuan Sulu Baja Ke Enda Ngelala Aku
Ati Ku Sinu Digaga Nuan Bakatu

Buya Ku Kesal Ati
Maya Ku Kesal Ati
Ngenang Ke Mimpi
Meda Nuan Belaki

Tang Aku Sigi Nyima
Utai Tu Amat Nyadi
Nyaut Kangau Nuan Madah Kediri
Udah Belaki

Kempang Nuan
Mutus Ke Tali Semaya Tua
Ka Sekunsi
Reta Enggau Nyawa

Tang Mih Aku Enda
Ulih Ngeransi Nuan Asi
Nya Peneka Ati Nuan
Oh Kumang Seari

Taja Enda Ngempu Nuan
Pengingat Nyadi Ke Palan
Alai Aku Ngenang Nuan
Oh Intan

Idup Tua Enda Sekunsi
Engka Petara Enda Nyagi
Tang Disebayan
Nuan Sigi Ku Ambi

Find us on facebook @ https://www.facebook.com/LekaLagu2u